ഈ വര്‍ഷത്തെ ഐ.എസ്.എല്‍ മത്സരങ്ങള്‍ ഗോവയില്‍ വെച്ച് നടത്താന്‍ തീരുമാനം. നവംബറില്‍ മൂന്ന് വേദികളിലായാണ് മത്സരം. കോവിഡ് പശ്ചാത്തലത്തില്‍ കാണികള്‍ക്ക് പ്രവേശനമുണ്ടാകില്ല.
ഫത്തോർദ, വാസ്കോ, ബാംബോളിം എന്നീ മൂന്ന് സ്റ്റേഡിയങ്ങളിലായാണ് മത്സരങ്ങൾ നടത്തുക. ഒപ്പം പങ്കെടുക്കുന്ന എല്ല ടീമുകൾക്കും ഓരോ പരിശീലനഗ്രൗണ്ടും അനുവദിക്കും. ഒക്ടോബർ ഒന്നിനും പത്തിനുമിടയിൽ ടീമുകൾ പ്രീസീസൺ ആരംഭിക്കുമെന്നാണ് സൂചന.
കോവിഡ് ഭീതിയെത്തുടർന്നാണ് ഇക്കുറി പ്രീ സീസണും ലീഗുമെല്ലാം ഒരു സ്ഥലത്ത് മാത്രമായി നടത്താൻ തീരുമാനിച്ചത്. നവംബർ 21 മുതൽ അടുത്ത മാർച്ച് 21വരെയായിരിക്കും മത്സരങ്ങള്‍.
