മധ്യപ്രദേശ് മുഖ്യമന്ത്രി ശിവരാജ് സിംഗ് ചൗഹാന് കൊവിഡ് സ്ഥിരീകരിച്ചു. ശിവ്‌രാജ് സിംഗ് ചൗഹാൻ തന്നെയാണ് ട്വീറ്ററിലൂടെ ഇക്കാര്യം അറിയിച്ചത്. അദ്ദേഹം സ്വയം നിരീക്ഷണത്തിലേക്ക് മാറി.
സംസ്ഥാനത്തെ കൊവിഡ് സാഹചര്യം വീഡിയോ കോൺഫറൻസിലൂടെ വിലയിരുത്തുമെന്ന് ശിവരാജ് സിംഗ് ചൗഹാൻ പറഞ്ഞു. സമ്പർക്കം പുലർത്തിയവർ കൊവിഡ് പരിശോധനയ്ക്ക് വിധേയരാകണമെന്നും അദ്ദേഹം അറിയിച്ചു.
നേരത്തെ സംസ്ഥാന സഹകരണ മന്ത്രി അരവിന്ദ് സിംഗ് ഭദോരിയയ്ക്ക് കൊവിഡ് സ്ഥിരീകരിച്ചിരുന്നു. രോഗം സ്ഥിരീകരിക്കും മുമ്പ് ഇദ്ദേഹം കാബിനറ്റ് യോഗത്തിൽ പങ്കെടുക്കുകയും ചെയ്തു. വ്യാഴാഴ്ചയാണ് അരവിന്ദ് സിംഗ് ഭദോരിയയെ ആശുപത്രിയിലേക്ക് മാറ്റിയത്.
