സിഎ പരീക്ഷ വ്യവസ്ഥകളിൽ കടുംപിടുത്തം ഉപേക്ഷിക്കണമെന്ന് സുപ്രിംകോടതി. പരീക്ഷ തിയതിയിലും കേന്ദ്രങ്ങളിലും സാഹചര്യത്തിന് അനുസരിച്ച് തീരുമാനമെടുക്കണമെന്നും ഐസിഎഐക്ക് സുപ്രിംകോടതി നിർദേശം നൽകി.
പരീക്ഷ കേന്ദ്രം മാറ്റാൻ വിദ്യാർത്ഥികൾക്ക് അവസരം നൽകണം. കൊവിഡ് സാഹചര്യത്തിൽ വിദ്യാർത്ഥികൾ ഉന്നയിക്കുന്ന ആശങ്കകൾക്ക് പരിഗണന കൊടുക്കണം. പ്രോട്ടോക്കോൾ പാലിച്ചായിരിക്കണം പരീക്ഷ. കരട് വിജ്ഞാപനം ജൂലൈ രണ്ടിന് ഹാജരാക്കണമെന്നും കോടതി നിർദേശം നൽകി.
