കൊവിഡ് രാജ്യത്ത് കൂടുതൽ പ്രദേശങ്ങളിലേക്ക് പടരുന്നതില്‍ പ്രധാനമന്ത്രി നരേന്ദ്ര മോദിയെ രൂക്ഷമായി വിമർശിച്ച് കോൺഗ്രസ് നേതാവ് രാഹുൽ ഗാന്ധി. കൊവിഡ് വ്യാപനം രാജ്യത്തെ മറ്റ് സ്ഥലങ്ങളിലേക്കും എത്തിയെന്നും എന്നാൽ രാജ്യത്തെ സർക്കാരിന് ഇതിനെക്കുറിച്ച് യാതൊരു പദ്ധതിയുമില്ലെന്നും രാഹുൽ പറഞ്ഞു. പ്രധാനമന്ത്രി ഇതിനെക്കുറിച്ച് നിശബ്ദനാണ്. പ്രധാനമന്ത്രി കൊവിഡിനോട് അടിയറവ് പറഞ്ഞിരിക്കുകയാണെന്നും അദ്ദേഹം പൊരുതാൻ തത്പരനല്ലെന്നും രാഹുൽ.
‘കൊവിഡ് രാജ്യത്തെ മറ്റ് സ്ഥലങ്ങളിലേക്കും പടരുകയാണ്. ഇന്ത്യയിലെ ഗവൺമെന്റിന് കൊവിഡിനെ തോൽപിക്കാനായി യാതൊരു പദ്ധതിയുമില്ല. പ്രധാനമന്ത്രി നിശബ്ദനാണ്. അദ്ദേഹം കീഴടങ്ങിയിരിക്കുന്നു. മഹാമാരിയോട് പൊരുതാൻ അദ്ദേഹം താത്പര്യപ്പെടുന്നില്ല.’എന്ന് രാഹുൽ ട്വീറ്റ് ചെയ്തു.
