തൃശൂരിൽ അമ്പിളിക്കല കൊവിഡ് സെന്ററിലെ പ്രവർത്തനത്തിൽ ജയിൽ വകുപ്പിന് വീഴ്ചയെന്ന് ജയിൽ ഡിജിപി ഋഷിരാജ് സിംഗ്. സംഭവത്തിൽ ജില്ലാ ജയിൽ സൂപ്രണ്ടിനെ സസ്‌പെൻഡ് ചെയ്തു.
കൊവിഡ് സെന്ററിൽ പതിനേഴുകാരന് മർദനമേറ്റ സംഭവത്തിൽ രണ്ട് ജയിൽ ഉദ്യോഗസ്ഥരെയും സസ്‌പെൻഡ് ചെയ്തു. ഡിപിഒ അരുൺ, എപിഒ രമേഷ് എന്നിവർക്കാണ് സസ്‌പെൻഷൻ. ഇവർ ഷമീറിന്റെ മരണത്തിലും ആരോപണ വിധേയരാണ്.
അതേസമയം, അമ്പിളിക്കല കൊവിഡ് സെന്ററിന്റെ പ്രവർത്തനം നിർത്തിവയ്ക്കാൻ തീരുമാനിച്ചു. ജയിലിൽ തന്നെ കൊവിഡ് സെന്റർ സജ്ജീകരിക്കാനാണ് തീരുമാനം.
