നടിയെ ആക്രമിച്ച കേസിൽ മുഖ്യസാക്ഷിക്ക് ഭീഷണി. കേസിലെ മുഖ്യസാക്ഷി വിപിൻ ലാലിനാണ് ഭീഷണി. ഇക്കാര്യം ചൂണ്ടിക്കാട്ടി വിപിൻ ലാൽ പൊലീസിൽ പരാതി നൽകി.
മൊഴിമാറ്റണമെന്നാവശ്യപ്പെട്ടാണ് വിപിൻ ലാലിനെതിരെ ഭീഷണി ഉയർന്നത്. പൊലീസിന് നൽകിയ മൊഴി കോടതിയിൽ തിരുത്തണമെന്ന് ഭീഷണിപ്പെടുത്തിയതായി വിപിൻ ലാൽ പരാതിയിൽ പറയുന്നു. ഫോൺ വഴിയും കത്ത് അയച്ചുമാണ് ഭീഷണിപ്പെടുത്തൽ.
വിപിൻ ലാലിന്റെ പരാതിയിൽ ബേക്കൽ പൊലീസ് കേസ് എടുത്തു. ആരെയും പ്രതിയാക്കാതെയാണ് കേസ് എടുത്തിട്ടുള്ളത്. ഭീഷണിപ്പെടുത്തിൽ, വ്യാജ മൊഴി നൽകാൻ പ്രേരിപ്പിക്കൽ അടക്കമുള്ള വകുപ്പുകൾ ചേർത്താണ് കേസെടുത്തിരിക്കുന്നത്.
