സ്കൂൾ കുട്ടികൾക്കായി ചെസ്സ് കേരള, കേരള സ്കൂൾ ടീച്ചേഴ്സ് അസോസിയേഷന്റെ സഹകരണത്തോടെ സംഘടിപ്പിക്കുന്ന ടി.കെ ജോസഫ് മെമ്മോറിയൽ ഓൾ കേരള സ്കൂൾസ് ഓപ്പൺ ഓൺലൈൻ ചെസ്സ് ചാമ്പ്യൻഷിപ്പ് നവം 10 മുതൽ 26 വരെ lichess.org പ്ലാറ്റ്ഫോമിൽ നടക്കും.
സംസ്ഥാന ചെസ്സ് ചാമ്പ്യനും ചെസ്സ് ഗ്രന്ഥകാരനുമായിരുന്ന ടി.കെ ജോസഫിന്റെ സ്മരണക്കായി കുടുംബാംഗങ്ങൾ 60,000 രൂപയുടെ സമ്മാനങ്ങൾ സ്പോൺസർ ചെയ്യുന്നടൂർണമെന്റിന്റെ ഓൺലൈൻ ഉദ്ഘാടനം നവംബർ 10 ന് വൈകുന്നേരം 6 മണിക്ക് പൊതു വിദ്യാഭ്യാസ മന്ത്രി വി.ശിവൻകുട്ടി നിർവ്വഹിക്കും.
വീട്ടിലിരുന്നു കൊണ്ടു തന്നെ മൊബൈൽ ഫോൺ / ടാബ് ലെറ്റ് / കമ്പ്യൂട്ടർ സഹായത്തോടെ ഇന്റർനെറ്റ് വഴി ജില്ലാ സംസ്ഥാന മത്സരങ്ങൾ കളിക്കാനും കഴിവു തെളിയിക്കാനും കഴിയുമെന്നതാണ് ടൂർണമെന്റിന്റെ പ്രത്യേകത.
കാസറഗോഡു മുതൽ തിരുവനന്തപുരം വരെ പതിനാല് ജില്ലാതല മത്സരങ്ങളും തുടർന്ന് അതിൽ നിന്നു സെലക്ഷൻ നേടിയവരുടെ സംസ്ഥാനതല ഫൈനലും ഉണ്ടായിരിക്കും. LKG മുതൽ പ്ലസ്സ് ടു വരെയുള്ള കുട്ടികളെ 6 കാറ്റഗറികളിലായി തിരിച്ചാണ് മത്സരങ്ങൾ.
തൃശൂർ ജില്ലാ മത്സരങ്ങൾ നവംബർ 16ന് വൈകുന്നേരം 7 മണിക്കാരംഭിക്കും. മത്സരാർത്ഥികൾ നവം 13 നു മുമ്പായി ഓൺലൈനായിപേര് രജിസ്റ്റർ ചെയ്യേണ്ടതാണ്. ലിങ്ക്: http://chesskerala.org
വിശദ വിവരങ്ങൾക്ക് ബന്ധപ്പെടാനുള്ള നമ്പറുകൾ : N R Anilkumar 9446230888, Rajesh V N 9605231010.
